Banking

RBIର ପରାମର୍ଶ—ସମୟ ଥାଉ ଥାଉ ନାମାଙ୍କନ କରନ୍ତୁ କିମ୍ବା ଅପଡେଟ୍ କରନ୍ତୁ; ଭବିଷ୍ୟତରେ ଟଙ୍କା ଓ ମୂଲ୍ୟବାନ ସାମଗ୍ରୀ ଦାବି କରିବାରେ ପରିବାରକୁ ମିଳିପାରିବ ସହାୟତା (SDNA) ନୂଆଦିଲ୍ଲୀ। ବ୍ୟାଙ୍କ ଖାତାରେ ଜମା ଥିବା ଆପଣଙ୍କ କଷ୍ଟାର୍ଜିତ ଧନ ହେଉ କିମ୍ବା ବ୍ୟାଙ୍କ ଲକରରେ ସୁରକ୍ଷିତ ରଖାଯାଇଥିବା ସୁନା, ଅଳଙ୍କାର ଓ ଗୁରୁତ୍ୱପୂର୍ଣ୍ଣ ଦଲିଲ—ଏସବୁର ଭବିଷ୍ୟତ ସୁରକ୍ଷା ପାଇଁ ଏକ ଛୋଟ ପଦକ୍ଷେପ ବଡ଼ ସହାୟତା କରିପାରେ। ତାହା ହେଉଛି ବ୍ୟାଙ୍କ ଖାତା ଓ ଲକରରେ ନୋମିନି ବା ନାମାଙ୍କିତ ବ୍ୟକ୍ତିଙ୍କ ନାମ ପଞ୍ଜୀକୃତ କରିବା। ଭାରତୀୟ ରିଜର୍ଭ ବ୍ୟାଙ୍କ (RBI) ଗ୍ରାହକମାନଙ୍କୁ ବ୍ୟାଙ୍କ ଖାତା ଓ ସୁରକ୍ଷିତ ଜମା ଲକରରେ ନୋମିନିଙ୍କ ନାମ ଲେଖାଇବା ସହ ଆବଶ୍ୟକ ହେଲେ ତାହାକୁ ଅପଡେଟ୍ କରିବା ପାଇଁ ସଚେତନ କରୁଛି। ଖାତାଧାରୀଙ୍କ ମୃତ୍ୟୁ ଭଳି ପରିସ୍ଥିତିରେ ନାମାଙ୍କନ ଥିଲେ ପରିବାର ପାଇଁ ବ୍ୟାଙ୍କ ସମ୍ବନ୍ଧୀୟ ଦାବି ପ୍ରକ୍ରିୟାକୁ ସହଜ କରିବାରେ ସହାୟତା ମିଳିପାରେ। ବ୍ୟାଙ୍କ ଜମା ଖାତାରେ ସର୍ବାଧିକ ୪ ଜଣ ନୋମିନିଙ୍କ ନାମ ଦେବାର ବ୍ୟବସ୍ଥା ବ୍ୟାଙ୍କ ଜମା ଖାତା ପାଇଁ ନା...